TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Qeveria Conte rrezikon të futet në krizë. Mësohet se ish-kryeministri Matteo Renzi ka tërhequr dy ministra nga qeveria Conte.
Matteo Renzi ka njoftuar për të hequr ministrat Bellanova dhe Bonetti nga qeveria duke shpjeguar: “Për të dhënë dorëheqjen ju duhet guxim dhe një ndjenjë përgjegjësie”, ndërsa ka shtuar se; “Kriza nuk është hapur nga ne, ajo ishte e hapur prej muajsh”.
Masa vjen pas “takimit të ndërmjetëm” midis Contes dhe Presidentit Mattarella, i cili theksoi “nevojën për të dalë shpejt nga kjo gjendje e pasigurisë” duke pasur parasysh “pandeminë”.
Ndërkohë që në ditët në vijim do të shihet nëse Conte do të arrijë të ketë përsëri maxhorancën, apo në këto kushte Italia do të shkojë në zgjedhje të parakohshme.
Siç raportojnë edhe mediat italiane, mes Renzit dhe Contes përplasjet kishin nisur disa javë më parë sa i takon menaxhimit të fondeve të BE lidhur me situatën e pandemisë së COVID-19. Ngelet për t’u parë në ditët në vijim nëse do të krijohet qeveria e Conte 3.
