TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Djali i çiftit Alban Skënderaj dhe Miriam Cani, Duam, bën dy vjeç dhe familja u shfaq si rrallëherë e gjitha bashkë në “Instagram”, në një portret të plotë familjar.
Urimet e mamit dhe babit për të birin nuk kishin si të mos ishin kaq të ndjera, ndërsa fotot tregojnë gjithë gëzimin që kanë përjetuar të katërt në ditën speciale.
“Gëzuar 2-vjetorin i shtrenjti ynë, Duam! Ti ke qenë vaksina jonë e lumturisë në këto dy vite të vështira dhe unë e di që dozat e tua të dashurisë do të na i injektosh në shpirt gjithë jetën”, ka shkruar Albani krah dy fotove të publikuara.
Ndërsa Miriami ka zgjedhur të tjera fjalë për të birin: “Gëzuar ditëlindjen tënde të dytë drita e mamit. Do të DUAM sa të kemi frymë!”.
Ameli dhe Duam ngjajnë si dy pika uji dhe ne s’e kishim vënë re deri tani, pasi çifti i famshëm asnjëherë s’kishin postuar foto ku të ishin të dy fëmijët. Para ndërrimit të viteve, Alban Skënderaj ishte ai që ndau në “Instagram” një foto duke puthur në ballë bashkëshorten e tij, Miriam Canin, dhe të gjithë ndjekësit filluan të mendojnë për dashurinë që zgjat gjithë jetën në të mirë e në të keq.
Nga ana tjetër, Miriami postoi një tjetër foto duke u puthur në buzë me Albanin, ndërsa ishin duke xhiruar klipin e tyre të ri “Zemër përmbi Zemër”, një tjetër këngë ku ata i këndojnë dashurisë së përjetshme si një çft jo vetëm në klip, por edhe në jetë. Për çiftin e këngëtarëve, ky është vitit i 15-të që do të ndërrojnë vitet bashkë dhe tingëllon shumë histori e bukur për të qenë e vërtetë, por ja që është e mundur. Po cili është sekreti?
Miriam Cani, e cila pozoi krah vajzës së saj, Amelit, për një revistë, ndër të tjera se cili është sekreti i jetëgjatësisë së marrëdhënies së gjatë me bashkëshortin e saj, njëkohësisht këngëtarin dhe kompozitorin e njohur, Alban Skënderaj.
“Kemi ngulur themele shumë të forta bashkë në këto vite. Kemi kaluar sfida të mëdha bashkë dhe këto na kanë lidhur shumë me njëritjetrin. Ardhja e dy fëmijëve në jetën tonë na ka ridimensionuar, lidhur dhe frymëzuar, për të qenë akoma më të fokusuar tek e ardhmja dhe lumturia brenda familjes sonë. Jemi një çift i zakonshëm si gjithë të tjerët. Perfeksioni nuk ekziston. Qeshim, qajmë, duhemi dhe grindemi si çdo çift tjetër. Dhe është mirë kështu, sepse këto momente e mbajnë një lidhje gjallë”, rrëfeu këngëtarja pak kohë më parë.
Ajo tregoi se Ameli e do shumë vëllain e vogël, Duamin, por sigurisht nuk mungojnë as xhelozitë, që kapërcehen shpejt. E duke qenë se akoma dy fëmijët janë ende të vegjël, planet për një fëmijë të tretë nuk dihet nëse janë të afërta. Në mes të angazhimeve profesionale që ka, Miriam tha se përpiqet të jetë një nënë sa më shumë prezente dhe një grua me disa dimensione, pasi mendon se duhet gjetur gjithmonë një balancë midis familjes dhe punës, fëmijëve, bashkëshortit dhe karrierës.
Kohët e fundit ata u janë përkushtuar bizneseve të tyre, pasi Miriam ka ardhur me një linjë veshjesh për fëmijë, të cilët janë muza e frymëzimit të saj. Ajo e ka ëndërruar këtë që nga fëmijëria, por që u zgjua kur u bë nënë. Sipas saj, ky është një projekt për të cilin janë dashur muaj të tërë punë e pandalshme, por i ndërtuar me shumë dashuri dhe përkushtim.
Kujtojmë që vitin e kaluar Albani e theu stereotipin (të paktën në klip) të burrit ideal, perfekt, besnik e romantik. Këngëtari shumë i dashur për publikun shqiptar publikoi projektin e tij të fundit muzikor të titulluar “Ki mëshirë”, në të cilin si kurrë më parë shfaqej në rolin e një tradhtari.
Kënga me tekst të vetë Albanit erdhi ndryshe si në tematikë, po ashtu edhe në klip. Pas disa materialeve muzikore në rolin e të dashuruarit dhe romantikut të përhershëm, Alban Skënderaj u rikthye ndryshe këtë herë, kthesë që me sa duket u pëlqeu edhe fansave të tij, të cilët shpërthyen me komente pozitive nëpër rrjete sociale, duke e përfolur për herë të parë në jetën e tij si tradhtar.
Kujtojmë që Albani është ndër artistët e rrallë, që nuk përflitet për scoop-e me tradhti apo pabesi në jetën e tij me Miriam Canin. Ai së fundi u bë baba për herë të dytë, ndërkohë e kurorëzoi me martesë historinë me Miriamin në 12-vjetorin e lidhjes së tyre. Çifti i famshëm Alban Skënderaj dhe Miriam Cani kurorëzuan në martesë dashurinë e tyre më 7 maj 2019./Panorama/
