TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryedemokrati Lulzim Basha ndodhet sot në Shkodër. Basha është pritur nga qindra qytetarë ndërsa duket se është e pamundur të respektohen rregullat e pandemisë.
Gjatë ecjes në qendër të qytetit, Basha i është përgjigjur edhe interesit të gazetarëve.
Komentin e kryeministrit Rama se kreu i opozitës është i lidhur me zinxhirë, Basha iu përgjigj: "Është i lidhur me zinxhirë e krimit. Tani që po i vjen fundi vjell vrerë. Alternativa ime është e shpresës, ndryshimit. Është alternativa e fitores”.
I pyetur nëse do të ketë një koalicion PS-PD, Basha e mohoi në mënyrë kategorike.
“Nuk ka asnjë shans që shqiptaret të bëjnë atë që do të bëjnë në një shoqëri normale. Në 25 prill Edi Rama do të largohet, PD dhe koalicioni ynë do të qeverisë vendin.
Nuk ka shqiptar që nuk e di se kush i ka varfëruar. Edhe këto ditë të fundit ai vazhdon të bashkëpunojë me kriminelët.
E patë çfarë ndodhi në Elbasan. Nuk hyn në qytet pa bandat. Festat janë të qytetarëve.
Ekipi ynë është i fitore. Janë njerëz me integritet të jashtëzakonshëm. Është i kompletuar.
Njerëz që janë të gatshëm të marrin përgjegjësit," tha Basha.
