TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Marrëveshja politike për zgjedhjen e presidentit të ri të Kosovës është vënë në pikëpyetje, pasi gjashtë deputetë të Lidhjes Demokratike të Kosovës kanë deklaruar se nuk do të votojnë kandidaturën e Bekim Sejdiut.
Kryetari i LDK-së, Lumir Abdixhiku, bëri të ditur qëndrimin e deputetëve pas mbledhjes së Grupit Parlamentar, duke thënë se ata nuk kanë pranuar të respektojnë vendimin e Kryesisë së partisë.
Kryesia e LDK-së kishte miratuar më herët marrëveshjen politike dhe mbështetjen për Sejdiun si kandidat për postin e presidentit. Sipas Abdixhikut, qëndrimi i gjashtë deputetëve rrezikon marrëveshjen dhe mund ta çojë Kosovën drejt zgjedhjeve të reja.
Deputetët që kanë deklaruar se nuk do ta mbështesin kandidaturën janë Avdullah Hoti, Hykmete Bajrami, Janina Ymeri, Armend Zemaj, Kujtim Shala dhe Arben Gashi. Abdixhiku e konsideroi vendimin e tyre të dëmshëm për vendin, ndërsa situata tashmë vë në pikëpyetje arritjen e marrëveshjes për zgjedhjen e presidentit të ri të Kosovës.
