TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një nga zyrtarët e Vladimir Putin është dërguar me urgjencë në spital për një "helmim të dyshuar" muaj pasi u largua nga Rusia në shenjë proteste për luftën në Ukrainë.
Anatoli Chubais ndodhet në terapi intensive pasi u ankua për mpirje në krahë dhe këmbë.
Raportet për sëmundjen e tij të papritur u publikuan fillimisht nga gazetarja dhe ish -kandidatja për presidente ruse , Ksenia Sobchak.
Chubais, 67 vjeç, fillimisht u diagnostikua me sindromën Guillain-Barré - një sëmundje e rrallë dhe kërcënuese për jetën që prek nervat.
Vetë Chubais citohet të ketë thënë: “Unë jam shtruar në një nga klinikat evropiane me një diagnozë të sindromës Guillain-Barré.”
Të paktën pesë oligarkë rusë të afërt me Putinin janë vrarë ndërsa presidenti spastroi rrethin e tij të ngushtë nga ish-aleatët e pasur.
Që nga fillimi i vitit, katër bosët e industrisë së gazit të lidhur me tiranin dhe një drejtues i lartë mjekësor kanë vdekur në rrethana misterioze.
Disa besojnë se ata u vranë mes ngjashmërive të supozuara në vdekjet e tyre.
Sindroma Guillain-Barré është një gjendje e rrallë dhe serioze e cila mund të jetë kërcënuese për jetën duke prekur nervat e këmbëve, duarve dhe gjymtyrëve.
Ajo shkakton mpirje, dobësi dhe dhimbje.
