TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Zëvendëskryeministrja e Ukrainës, Iryna Vereschuk, i ka bërë thirrje sekretarit të përgjithshëm të OKB-së që të ndihmojë në evakuimin e personave që ndodhen në fabrikën e Azovstal në Mariupol.
Forcat ukrainase tani kontrollojnë vetëm një pjesë të qytetit – dhe janë strehuar në një kompleks të madh në juglindje të Mariupolit.
Luftëtarët kanë frustruar përpjekjet ruse për të kapur vendin, duke bërë që Vladimir Putin të urdhërojë publikisht ministrin e tij të Mbrojtjes që ushtarët të izolohen, në mënyrë që të vdesin nga uria.
“Askush nuk lejohet të largohet nga Azovstal. Është gënjeshtër se sulmi është ndalur”, thotë nënkryetari i bashkisë së Mariupolit, Serhiy Orlov.
“Ka ende njerëz atje, civilë, ushtarakë, familje. Fabrika po bombardohet vazhdimisht”, shtoi ai.
Ai thekson se janë përpjekur vazhdimisht të organizojnë korridore humanitare, por pushtuesit i kanë depërtuar njerëzit për në Rusi.
“Ne mendojmë se Rusia ka depërtuar 40,000 njerëz nga Mariupol në anën tjetër ,” pretendon ai.
Iryna Vereschuk, zëvendëskryeministrja e Ukrainës, tha për BBC se janë rreth 1000 civilë të strehuar në fabrikën e Azovstal dhe ata kanë nevojë të dëshpëruar për ndihmë.
“Ata kanë nevojë për ndihmë të menjëhershme mjekësore,” thotë ajo. “Disa prej tyre kanë pasur amputime. Nuk ka të bëjë vetëm me forcat e armatosura, ka të bëjë edhe me civilët.”
Ajo gjithashtu akuzon Moskën për prishjen e korridoreve humanitare dhe depërtimin e civilëve drejt Rusisë.
Vereschuk shton se Sekretari i Përgjithshëm i OKB-së António Guterres duhet të përdorë kohën e tij në Moskë sot për të shpëtuar njerëzit e Mariupolit dhe për të garantuar korridore të vërteta humanitare. Autoritetet ukrainase janë gati të shkojnë nëse kjo konfirmohet, shton ajo.
“Nëse kjo nuk ndodh, atëherë nuk ka kuptim për OKB-në,” thotë ajo.
