TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministrja britanike, Rushanara Ali, ka dhënë dorëheqjen nga posti i ministres për çështjet e strehimit, ka konfirmuar Downing Street.
Lëvizja vjen pasi ajo kishte rritur qiranë e një banese në pronësi të saj, vetëm pak javë pas përfundimit të kontratës së qiramarrësve të mëparshëm.
Organizata bamirëse që merren me çështjet e të pastrehëve dhe politikanë të opozitës kishin kërkuar dorëheqjen e saj.
Në një letër drejtuar kryeministrit, ajo tha se të qëndruarit në këtë post do të ishte “një shpërqendrim nga puna ambicioze e këtij Qeverie”.
Sipas një raporti të publikuar fillimisht nga The i Paper, katër qiramarrës që banonin në një shtëpi të Ali në lindje të Londrës morën në nëntor një email ku u jepej njoftim katërmujor se kontrata e tyre nuk do të rinovohej.
Megjithatë, prona u rishfaq për qira pak pas largimit të tyre, me një çmim 700 paund më të lartë në muaj.
Në letrën drejtuar kryeministrit, Ali shkroi: “Me zemër të rënduar po ju paraqes dorëheqjen time si ministre.”
Duke theksuar se “në çdo moment kam ndjekur të gjitha kërkesat ligjore përkatëse”, ajo shtoi: “Besoj se i kam marrë përgjegjësitë dhe detyrat e mia seriozisht, dhe faktet e tregojnë këtë. Megjithatë, është e qartë se vazhdimi në detyrë do të ishte një shpërqendrim nga puna ambicioze e qeverisë. Prandaj, kam vendosur të jap dorëheqjen nga posti im ministror.”
Duke reaguar ndaj dorëheqjes së saj, kryeministri Sir Keir Starmer e falënderoi për punën e bërë, të cilën e cilësoi si “të përkushtuar”.
