TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Rusia ka një nga forcat e armatosura më të mëdha dhe më të fuqishme në botë, por kjo është zbehur paska në pushtimin e saj në Ukrainë. Shumë analistë ushtarakë në Perëndim janë befasuar nga performanca e saj në fushën e betejës deri më tani.
Përparimet e saj ushtarake duket se kanë ngecur në masë të madhe dhe disa tani pyesin nëse mund të rikuperohen humbjet që ka pësuar.
Këtë javë, një zyrtar i lartë ushtarak i NATO-s i tha BBC-së, “rusët qartazi nuk i kanë arritur qëllimet e tyre dhe ndoshta nuk do t’i arrijnë”.
Gabimi i parë i Rusisë ishte nënvlerësimi i forcës së rezistencës dhe aftësive të forcave më të vogla të armatosura të Ukrainës. Rusia ka një buxhet vjetor të mbrojtjes prej më shumë se 60 miliardë dollarë, krahasuar me shpenzimet e Ukrainës prej pak më shumë se 4 miliardë dollarë.
Në të njëjtën kohë, Rusia dhe shumë të tjerë duket se i kanë mbivlerësuar fuqitë e veta ushtarake. Presidenti Putin kishte nisur një program ambicioz modernizimi për ushtrinë e tij.
Një zyrtar i lartë ushtarak britanik tha se pjesa më e madhe e investimit të Rusisë ishte shpenzuar në arsenalin e saj të madh bërthamor, që përfshinte zhvillimin e armëve të reja si raketat hipersonike.
Rusia supozohet të ketë ndërtuar tankun më të avancuar në botë – T-14 Armata. Por edhe pse u shfaq në Paradën e Ditës së Fitores të Moskës në Sheshin e Kuq, ajo ka munguar në betejë.
Shumica e armëve që Rusia ka vënë në terren janë tanke të vjetra T-72, transportues të blinduar të personelit, artileri dhe raketahedhës.
Në fillim të pushtimit, Rusia kishte një avantazh të qartë në ajër, me avionin luftarak që kishte lëvizur pranë kufirit, duke tejkaluar numrin e forcave ajrore të Ukrainës me më shumë se tre me një.
Një zyrtar i lartë i inteligjencës perëndimore i tha BBC-së se Rusia mendonte se mund të dislokonte njësi më të lehta, si parashutistët Spetsnatz dhe VDV, “për të eliminuar një numër të vogël mbrojtës dhe kaq do të mjaftonte”. Por në ditët e para sulmi i tyre me helikopter në aeroportin Hostomel, pak jashtë Kievit, u zmbraps, duke i mohuar Rusisë një urë ajrore për të sjellë trupa, pajisje dhe furnizime.
