TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti i Rusisë, Vladimir Putin, dhe kryeministri i Izraelit, Benjamin Netanyahu, zhvilluan të hënën (28 korrik) një bisedë telefonike, gjatë së cilës diskutuan për zhvillimet e fundit në Lindjen e Mesme.
Sipas deklaratës zyrtare të palës ruse, Putin theksoi nevojën për një zgjidhje paqësore të konflikteve rajonale dhe shprehu mbështetjen e tij për sovranitetin kombëtar të Sirisë.
Gjithashtu, ai ofroi ndihmën e Rusisë për të zbutur tensionet mes Iranit dhe Izraelit, veçanërisht në lidhje me programin bërthamor iranian.
Të dy liderët ranë dakord që të mbajnë të hapur kanalin e komunikimit mes tyre.
Nga ana e tij, Tel Avivi konfirmoi zhvillimin e bisedës dhe faktin që ajo ishte përqendruar tek Irani dhe Siria, por nuk komentoi përmbajtjen e saj në detaje.
Kjo ishte biseda e parë mes Putinit dhe Netanyahut që prej 13 qershorit, kur Izraeli kishte ndërmarrë sulme parandaluese kundër objekteve bërthamore iraniane — një veprim që u kritikua nga Moska.
