TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mbretëri e Bashkuar - Një person i dyshuar si spiun për llogari të Kinës, është idenfitikuar publikisht ditën e sotme.
Ai është Yang Tengbo, i njohur gjithashtu me emrin Chris Yang dhe i është ndaluar hyrja në Mbretërinë e Bashkuar vitin e kaluar nga Sekretarja e Shtetit.
Ajo që e ka bërë të bujshëm rastin, është miqësia e këtij personi me princin Andrew.
Ai është takuar me shumë figura të rëndësishme, përfshirë ish-kryeministrat David Cameron dhe Theresa May, si dhe Princin Andrew, të cilit i ishte përshkruar si një "besnik i ngushtë". Nuk është e qartë se si ky person u afrua kaq shumë me Princin Andrew.
Në një deklaratë të re, Yang këmbëngul se nuk ka bërë asgjë të gabuar dhe se nuk është spiun. Avokati i tij thotë se ai ka pranuar të identifikohet për shkak të spekulimeve të "jashtëzakonshme" mediatike rreth rastit të tij.
Deri tani ai nuk ishte identifikuar dhe identiteti i tij mbrohej nga një urdhër anonimati, ndaj njihej thjesht si H6.
