TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas 28 shtatorit, nuk do të ketë më largime të meshkujve nga Rusia.
Kështu të paktën bën me dije media ruse në ekzil, Meduza, e cila ka raportuar se pikërisht ai do të jetë afati i fundit, që presidenti rus, Vladimir Putin, do t’i lërë djemve e burrave në Rusi, të cilët e plotësojnë kushtin moshor për mobilizimin e pjesshëm, të largohen.
Në bazë të thirrjes që Kremlini ka bërë dhe sipas publikimeve mediave në redaksi të pavarura nga Moska, rreth 1.2 milionë djem e burra mund të thirren në shërbim, si rezervistë, për luftën në Ukrainë.
Data e 28 shtatorit nga ana tjetër, mund të caktohet pikërisht për faktin se shumë persona e kanë kundërshtuar vendimin e Putinit dhe nuk janë të gatshëm t’i përgjigjen thirrjen për të shkuar në front të luftës.
Për këtë arsye, ata kanë vendosur të largohen nga Rusia, duke i shpëtuar kështu detyrimit të paraqitjes.
Protestat ndërkaq e kanë kapluar Moskën dhe qytete të tjera, ku mijëra qytetarë, përfshirë gra dhe vajza, janë arrestuar.
Vetëm në 24 orët e fundit, është bërë me dije se kanë përfunduar në qeli 724 persona, pas përleshjeve të dhunshme me Policinë.
E gjithë situata është krijuar pas shpalljes së mobilizimit të pjesshëm nga ana e Putinit, duke e çuar luftën kështu në një dimension të ri.
Nga ana tjetër, shtete si Gjermania apo vende më të vogla të Bashkimit Evropian, kanë pranuar të hapin dyert për “dezertorët”, duke i mirëpritur ata me procedura të përshpejtuara dhe duke i nxitur të mos i binden urdhrit të Kremlinit.
Një fushatë e referendumeve në katër zona ukrainase është ndërmarrë ndërkaq nga Moska, për t’i shpallur ato si pjesë të Federatës ruse.
Mirëpo, nga vendet perëndimore, asnjë votim i tillë nuk do të njihet, duke u cilësuar shpesh edhe si një farsë që Putin po bën për të devijuar qëllimet e luftës.