TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Vizitën në qytetin e Beratit, kryetari i Partisë Demokratike, Lulzim Basha, e ka mbyllur në një kantinë vere. Duke vlerësuar cilësinë e verës shqiptare, Basha tha se vështirësia në depërtimin e tregut lidhet me keqqeverisjen dhe me ngecjen në vendnumëro të vendit për 8 vite.
Ai u shpreh se me ndryshimin që do të vij më 25 prill, gjëja e parë që do të bëhet është rishikimi i akcizës për alkoolin në mënyrë që pijet shqiptare të kenë akses të lehtë në tregje. Ai gjithashtu tha se me ecjen përpara me procesin e integrimit europian, u vijmë në ndihmë të gjithë, në veçanti industrinë e agro-përpunimit të verës, bujqësinë dhe fermerët.
“Imagjinoni nëse do bashkojmë forcat. Qeveria e ardhshme me sektorin e prodhimit të verës. Do ta bëjmë atë kapërcim. Para shumë vitesh vera e Greqisë ka pasur vështirësi të mëdha. Por më pas me futjen në BE ata përfituan. Kemi potencial të jashtëzakonshëm për procesin e integrimit Evropian të vendit. Ngelja në vend numër në 8 vite na ka penalizuar. Anëtarësimi në BE ndihmon agropërpunimin dhe fermerët. S’ka diskutim.” ka thënë Basha.
“Tregtia e lirë. Bashkimi doganor. Ne nuk i kemi marrë si shtete. Kjo qeveri nuk i ka marrë fondet për fermerët dhe kërkimin shkencor, për të nxitur sektorë të veçantë. Në këtë kuptim edhe vetë procesi i anëtarësimit paraqet mundësi të shumta për tu mbështetur financiarisht. Apo me certifikimin që lehtëson ftujën në treg Evropian. Janë 8 vjet që u kanë kushtuar edhe ju. Janë 8 vjet në vend numëro.”
“Kjo është që të jeni vetëm apo që të keni shtetin në krahë. Do e keni shtetin me vete, mua, deputetët, qeverinë. Dhe BE. Kjo betejë është për familjet tona. Me 25 prill do e keni shtetin në mbështetje” tha Basha
