TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti i Serbisë, Aleksandër Vuçiç këtë të martë në një deklaratë për mediat është shprehur se problemin e sigurisë së qytetarëve të kombësisë serbe në Kosovë ia ka shpjeguar edhe të dërguarit special të Bashkimit Evropian për dialogun ndërmjet Beogradit dhe Prishtinës, Miroslav Lajçak.
Ndërkaq ai i është përgjigjur edhe pyetjes në lidhje me rrahjen e 21-vjeçares Strahinje Petroviç nga Graçanica, nëse do të tregojë problemin e sigurisë së serbëve në Kosovë, ku është shprehur se këtë e ka në fokus në takimin e të enjtes në kuadër të dialogun ndërmjet Beogradit dhe Prishtinës.
“Gjithçka që mund të them është se unë kam folur tashmë me Miroslav Lajcak dhe e kam vënë në dukje atë problem. Unë do të vazhdoj ta bëj këtë dhe të enjten do ta vë në dukje,” tha Vuçiç gjatë një vizite në fillimin e punimeve ndërtimore në fabrika e kompanisë austriake Palfinger në Nish.
Ndërkaq kujtojmë se tre shqiptarë të Kosovës akoma të paidentifikuar rrahën Strahinja Petroviçin nga Graçanica, rrugës për në fshatin Dobrotin, jo larg Lipjanit.
