TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjykata Themelore në Prishtinë ka dënuar me burgim të përjetshëm Naim Murselin dhe Granit Plavën për vrasjen e Liridona Ademajt. Ndërsa Kushtrim Kokalla u dënua me 30 vite burgim, bëjnë me dije mediat në Kosovë.
Aktgjykimi u shpall nga gjykata në një seancë publike. Prokuroria kishte kërkuar burgim përjetë për të tre të përfshirët, duke theksuar se vrasja e nënës së dy fëmijëve ishte e organizuar dhe e kryer në mënyrë të planifikuar.
Bashkëshorti i Ademajt, Naim Murseli organizoi vrasjen për motive personale ndërsa Plava kreu ekzekutimin me ndihmën e Kokallës.
Liridona Ademaj u vra më 29 nëntor 2023 në një rrugë në fshatin Bërnicë të Prishtinës. Naim Murseli u akuzuar se organizoi vrasjen e bashkëshortes me qëllim hakmarrjeje dhe përfitimi financiar nga një sigurim jetësor në Suedi, në shumë prej rreth 260 mijë eurosh.
Sipas Prokurorisë, Murseli e ka planifikuar vrasjen në bashkëpunim me Kushtrim Kokallën dhe Granit Plavën, duke u premtuar atyre një shpërblim prej 30 mijë eurosh për ta kryer krimin.
