TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Besart Kelmendi, i njohur për publikun me emrin artistik Gjesti, është ndaluar për 48 orë me urdhër të Prokurorit Kujdestar, ka njoftuar Prokuroria Themelore në Prishtinë.
Sipas njoftimit zyrtar, këngëtari dyshohet për kryerjen e disa veprave penale. Ndër akuzat që rëndojnë ndaj tij janë mbajtja në pronësi, kontroll ose posedim i paautorizuar i armëve, si dhe veprat penale kanosje dhe asgjësim apo dëmtim i pasurisë.
Autoritetet bëjnë të ditur se Policia e Kosovës, në koordinim me Prokurorin e Shtetit, është duke ndërmarrë të gjitha veprimet e nevojshme hetimore dhe procedurale për të zbardhur plotësisht rrethanat e rastit.
Megjithatë, për shkak të fazës së hershme të hetimeve, Prokuroria ka theksuar se nuk mund të publikohen detaje shtesë në këtë moment, me qëllim ruajtjen e integritetit të procesit hetimor.
Prokuroria Themelore në Prishtinë ka bërë të ditur gjithashtu se brenda afateve ligjore do të ndërmerren hapat e mëtejshëm proceduralë, ndërsa pritet të vendoset edhe për masat e tjera ndaj këngëtarit, në përputhje me Kodi i Procedurës Penale i Republikës së Kosovës.
