TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjykata e Apelit të Juridiksionit të Përgjithshëm ka vendosur të rihapë pjesërisht shqyrtimin gjyqësor të çështjes së vrasjes së të miturit Martin Cani, ngjarje e ndodhur pranë shkollës “Fan Noli” në Tiranë.
Trupi gjykues ka vlerësuar se është e nevojshme hartimi i një raporti të ri psikologjik për autorin e dyshuar të ngjarjes, M. P, si edhe për të plagosurin L.M.
Për këtë qëllim, gjykata ka caktuar dy psikologe, të cilat kanë marrë detyra konkrete dhe do të përgatisin raportin pas kontaktit me dy të miturit.
Seanca e radhës është caktuar për më 1 korrik, ku pritet të shqyrtohet edhe çështja e raportit psikologjik.
Ngjarja e rëndë që tronditi opinionin publik ndodhi në 18 nëntor 2024 në afërsi të shkollës “Fan Noli” në kryeqytet.
I pandehuri M.P. u dënua më datë 9 dhjetor 2025 me 16 vite burg për vrasjen e Canit dhe tentativën e vrasjes së shokut të tij.
Gjykata e Tiranës ka dënuar me 16 vite burg autorin e vrasjes me thikë të Martin Canit më 18 nëntor 2024, pranë shkollës 9-vjeçare “Fan Noli”.
15-vjeçari, M.P., u shpall fajtor për dy vepra penale: atë të vrasjes në rrethana të tjera cilësuese, por edhe për vrasje të mbetur në tentativë ndaj shokut të viktimës, L. M.
Për të dy këto akuza u caktua 22 vite burgim, por për shkak të bashkimit të dënimeve, përfundimisht i mituri u dënua 16 vite.
