TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ndonëse në garën për 14 majin, garojnë përballë njëri-tjetrit për të marrë mandatin e kryebashkiakut të Shkodrës, kjo nuk i ka penguar dy rivalët Benet Beci të PS dhe Bardh Spahia të koalicionit ‘Bashkë fitojmë’ të shtrëngojnë dorën me njëri-tjetrin.
Beci dhe Spahia kane qenë të ftuar në një Iftar nga shoqata Istanbul dhe aty janë përballur me njëri-tjetrin, ku janë fotografuar duke shtrënguar duart. Përmes fotos Beci e Spahia kanë përcjellë edhe mesazhin se njerëzorja, qëndron mbi rivalitetin politik.
Në darkën e shtruar ka qenë edhe drejtuesja politike e PS-së në Shkodër, Elisa Spiropali, që udhëhoqi kalimin e ish-deputetit të Partisë së Lirisë, Agron Çela, drejt PS-së, në përpjekje të selisë rozë për të fituar për herë të parë në 32 vite pluralizëm bashkinë e konsideruar bastion të të djathtës.
Ky është takimi i parë publik i dy rivalëve në 61 bashkitë e vendit, ku mungon përballjet televizive, të zakonshme në vendet demokratike.
