TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Lokalizohet dhe arrestohet pas kërkimeve që zgjatën dy ditë ndaj të dyshuarit për plagosjen me thikë të 42-vjeçarit Olsi Muçodemi në Sarandë.
Nuk ka zgjatur shumë arratia e 45-vjeçarit Ylber Hamzaj, banues në fshatin Kryemadh të Kukësit.
Pas një sherri mes tyre, me motivin banal “pse më sheh”, i dyshuari goditi me mjet prerës Muçodemin, duke i shkaktuar atij plagë në gjoks dhe dorë, teksa u largua për të mos u kapur nga policia.
I kërkuari kishte dalë nga qyteti me synimin për t’u arratisur. Policia, që përmes kamerave të lokaleve tek vendi i ngjarjes, kishte piketuar autorin dhe ishte vënë në kërkim të tij dhe arriti ta kapte atë në Qafën e Gjashtës.
Në kohën kur u kap nga policia, ishte në gjendje të dehur. Sipas burimeve mësohet se 45-vjeçari kishte pak ditë që ndodhej në Sarandë dhe kishte ardhur për punë.
Ndërsa grindja që çoi në përdorimin e mjetit prerës ishte i momentit, “pse më sheh”. Të dy personat nuk kishin njohje me njeri-tjetrin.
