TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti Ilir Meta, ka pritur sot në takim ambasadorin e Turqisë Kağan Atay me rastin e paraqitjes së Letrave Kredenciale.
Me anë të një postimi në Facebook, Meta është shprehur se ka vlerësuar nivelin e bashkëpunimit ekonomik e tregtar mes Shqipërisë dhe Turqisë, si dhe nevojën për shfrytëzimin e të gjitha potencialeve dypalëshe që ky bashkëpunim të shtrihet në të gjitha fushat.
“Kënaqësi të prisja sot Ambasadorin e Turqisë, Tayyar Kagan Atay me rastin e paraqitjes së Letrave Kredenciale.
I urova suksese në misionin e tij në Shqipëri për fuqizimin e mëtejshëm të marrëdhënieve tradicionalisht të shkëlqyera mes dy popujve e vendeve tona, si dhe për forcimin e partneritetit strategjik në interes të sigurisë e stabilitetit afatgjatë rajonal.
Vlerësova nivelin e bashkëpunimit ekonomik e tregtar mes Shqipërisë dhe Turqisë, si dhe nevojën për shfrytëzimin e të gjitha potencialeve dypalëshe që ky bashkëpunim të shtrihet në të gjitha fushat në dobi të qytetarëve të vendeve tona”, ka shkruar presidenti Meta.
