TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sekretari i Përgjithshëm i Partisë së Lirisë, Tedi Blushi ka reaguar në lidhje me arrestimin e dy drejtorëve të kryebashkiakut Erion Veliaj.
Përmes një mesazhi në ‘Facebook’ Blushi thekson se këta zyrtarë po vetëofrohen që të bëjnë burg për kryebashkiakun Veliaj. Sipas tij megaafera e inceneratorëve ka një emër; Erion Veliajn. Kujtojmë se sot pas hekurave ranë Mariglen Qato, drejtor i Inspektoriatit të Mbrojtjes së Territorit në Bashkinë e Tiranës dhe Redi Molla, ish-drejtor i Ujësjellësit të Tiranës.
Ata u arrestuan sot me urdhër të Prokurorisë së Posaçme. Bashkë me 2 drejtorët e bashkisë së Tiranës janë arrestuar edhe 7 zyrtarë të tjerë të Bashkisë së Tiranës.
REAGIMI I BLUSHIT
Afera korruptive e inceneratorit nuk është ideuar nga drejtorët e Bashkisë së Tiranës që po vetëofrohen të bëjnë burg në emër të Kryetarit të Bashkisë. Krimi i vjedhjes me inceneratorin inekzistent dhe nën sekuestro të Tiranës ka emër dhe mbiemër: Erion Veliaj.
E tij është Mega-Firma e paligjshme që i dha jetë kësaj kryevepre korruptive, pa mbledhur Këshillin Bashkiak, duke shkelur ligjin për pushtetin vendor dhe zhytur në borxh banorët e Tiranës për 30 vite.
Drejtësia dhe fundi i pandëshkueshmërisë nuk është çështje arrestimesh drejtorësh dhe bedelash!
Drejtësi, pa marrë të pandehur Erion Veliaj, nuk mund të ketë!
Gjithçka tjetër është "Drejtësi me Regji"!
