TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Nga Belind Këlliçi/
23 gushti është dita përkujtimore e viktimave të sistemeve totalitare. Shqipëria jonë vuajti për 5 dekada një nga regjimet më gjakatare që ka njohur Europa.
Klasa intelektuale u kosit, duke i bërë vend modelit të njeriut të ri që duatrokiste arritje imagjinare e që qëndronte në rresht për ushqimin e mbijetesës.
Prindërve tanë iu mohuan të gjitha liritë themelore. Shqipëria njohu prapambetjen më të madhe ekonomike dhe shoqërore. U izolua nga çdo koncept demokratik dhe zhvillimor.
Gjeneratat që pasojnë, duhet t'i jenë gjithnjë mirënjohëse Studentëve të Dhjetorit, për liritë e fituara, për guximin asokohe të çmendur, për të ëndërruar për një Shqipëri si e gjithë Europa.
Përkujtojmë sot me respekt e mirënjohje të gjithë bashkëkombasit tanë që humbën jetën, u internuan, u përbuzën, u burgosën e u keqtrajtuan nga një bandë kriminelësh, që si të vetmin shërbim ndaj atdheut, kishin eliminimin fizik të njëri-tjetrit.
