TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pamje të pabesueshme vijnë nga Beogradi, nga kisha ku u bënë homazhe për patriarkun serb Irinej, i cili vdiq si pasojë e komplikacioneve të koronavirusit. Por pavarësisht kësaj, homazhet u shndërruan në një pelegrinazh masiv popullor.
Çdo gjë u zhvillua në Sant Sava në kryeqytetin serb ku besimtarë të shumtë nxituan t’i japin lamtumirën Irinej.
Dhe pse autoritetet serbe apeluan që pjesëmarrësit të respektonin masat e sigurisë, pamjet tregojnë qartë që aty nuk pati asnjë distacim. Besimtarët puthnin pjesën prej xhami të arkivolit mbi fytyrën e patriarkut, por kishte dhe nga ata që përfituan nga një pjesë e lënë hapur, për të prekur trupin e pajetë. Pjesa më e madhe nuk kishin as maska.
Por dhe jashtë kishës kishte shumë besimtarë, pjesa më e madhe e të cilëve pa maska.
Patriarku Irinej rezultoi pozitiv me koronavirus në 4 nëntor dhe u shtrua në një spital ushtarak në Beograd po atë ditë. Shëndeti i tij u përkeqësua ndjeshëm në 18 nëntor, dhe dy ditë më pas ndërroi jetë.
Dy javë më parë se të rezultonte i infektuar, Patriarku i Serbisë mori pjesë në funeralin e një peshkopi në Mal të Zi; dhe ai ndërroi jetë si pasojë e koronavirusit, dhe mediat shkruajnë se ai nuk besonte në ekzistencën e virusit. Madje ai e konsideronte pelegrinazhin si “vaksinën e Zotit”.
Dhe në këtë funeral mediat pasqyruan një pjesëmarrje të pabesueshme, me qindra besimtarë që nuk mbanin maska dhe puthnin fytyrën e priftit të pajetë.
https://twitter.com/dwnews/status/1323199168295260160?ref_src=twsrc%5Etfw%7Ctwcamp%5Etweetembed%7Ctwterm%5E1323199168295260160%7Ctwgr%5E&ref_url=https%3A%2F%2Fabcnews.al%2Fvdiq-nga-koronavirusi-serbet-ne-radhe-per-te-puthur-patriarkun%2F
