TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Lacio duket se i dha fund krizës së rezultateve negative, teksa u rikthye te fitorja në kampionat, duke mposhtur me shifrat 2-3 Frozinonen në duelin e vlefshëm për javën e 29-të.
Një triumf me përmbysje ky i kryeqytetasve. Vendasit kaluan të parët në avantazh me anë të Lirolës në minutën e 13-të, ndërkohë që Zakanji vendosi baraspeshën në minutën e 38-të. Pjesa e parë u mbyll me shifrat 1-1.
Në fragmentin e dytë të lojës u shënuan edhe 3 gola të tjera. Protagonist u bë sulmuesi argjentinas Kastelanos, i cili në minutën e 56-të zuri vendin e Imobiles. Vetëm 1 minutë në fushë i mjaftuan 25-vjeçarit për të tundur rrjetën. Kastelanos, nuk u mjaftua me kaq pasi në minutën e 62-të, shënoi dhe golin e dytë personal dhe të tretin për Lacion.
Gjithsesi vendasit nuk u dorëzuan, dhe ngushtuan sërish diferencën me Chediran që realizoi një gol mjaft të bukur me roveshatë, por vetëm kaq, pasi në fund ishin lacialët ata që festuan.
Quel COUP DE CISEAU de Walid Cheddira contre la Lazio ⚽️???? pic.twitter.com/evxz5XkCWU
— ᴍᴏᴜɴᴛᴀᴋʜᴀʙ ғᴏᴏᴛ ???????? (@MountakhabFoot) March 16, 2024
Për sa i përket futbollistëve shqiptarë, i vetmi që u aktivizua ishte Marvin Çuni që u hodh në fushë në minutën e 90-të, ndërkohë që Hysaj dhe Arijon Ibrahimoviç e ndoqën duelin nga stoli.
