TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Trajneri i Barcelonës, Ksavi Hernandez, ka qenë shumë i tensionuar në suksesin e vuajtur 1-2 në ishujt Kanarie përballë Las Palmasit. Një gol në limite me 11-metërsh nga Gyndoan i dha fitoren ekipit të tij. Por trajneri ka qenë plot nerva gjatë ndeshjes dhe pas saj. Gjatë ndeshjes ai është kapur me gjyqtarin e takimit Gonzalez Fuentes, ndërkohë që pas takimit në konferencën për shtyp është bezdisur nga ngacmimet e gazetarëve.
OFENDIMET NDAJ GJYQTARIT – Në një moment të takimit, pas një faulli të Serxhi Robertos, Ksavi ka protestuar ashpër ndaj gjyqtarit, duke përmendur dhe fjalë jo fort të këndshme. Kjo i ka kushtuar kartonin e verdhë me Gonzalez Fuentes që e ka paralajmëruar se do ta dërgonte në tribunë. Por Ksavi nuk është mjaftuar me kaq.
Kamerat e televizionit “Movistar +” kanë fiksuar një fragment kur tekniku i Barcelonës, me gjeste e fjalë, ofendon gjyqtarin e takimit. “Je veçse një i pafytyrë” i është drejtuar Ksavi gjyqtarit, por që nuk ëhstë vënë re nga zyrtari i ndeshjes. Pas takimit, Ksavi është munduar ta justifikojë acarimin e tij, duke u mjaftuar me faktin se gjithçka ishte në nerva e sipër. P
PËRPLASJA ME GAZETAREN – Por “spektaklin” e tij, trajneri i Barcelonës e ka vijuar dhe pas takimit në konferencën për shtyp. Ai u mërzit me një pyetje nga Helena Kondis, një gazetare e “Cadena COPE”. Ajo e ngacmoi Ksavin se çfarë do të kishte ndodhur në rast të një humbje në Kanarie. Përgjigja e Ksavit nuk ka vonuar.
“Nëse do të ishim mundur dhe diferenca do të shkonte 10 pikë, La Liga do të ishte më e vështirë, sigurisht… Por ju gjithmonë bëni supozime në mënyrë negative. Më bën të qesh…”, iu përgjigj Ksavi Hernández pyetjes së Helena Kondis, duke buzëqeshur me ironi. Kjo nuk është hera e parë që Ksavi polemizon me gazetarët pas një ndeshje të Barcelonës në këtë sezon.
