TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Zherard Pike mund t’i japë lamtumirën Barcelonës gjatë kësaj vere sepse këtë po ia kërkon vetë miku i tij Çavi, si pasojë e ngjarjeve që kanë ndodhur së fundmi dhe divorcin me këngëtaren kolumbiane Shakira.
Lajmi është shpërndarë nga mediat spanjolle të cilët kanë bërë të ditur se Çavi e ka cilësuar si “joprofesioniste” sjelljen e Pike para se t’i bënte këtij të fundit të ditur se nuk e shihet më si pjesë e katalanasve.
“Sport” bën të ditur se një nga shqetësimet e mëdha të Çavit ka qenë prej kohësh fakti se Pike është i shpërqendruar edhe nga bizneset e shumta që ka jashtë fushës së lojës, të cilave tashmë u janë shtuar edhe telashet e jetës personale.
Raportohet se trajneri i Barçës ka folur personalisht me Pike duke i bërë të qartë se nuk do të jetë më pjesë e planeve të tij. Po në të njëjtën kohë, është mësuar se Pike ka refuzuar të largohet, pasi është i bindur se mund të vazhdojë të japë një kontribut të rëndësishëm në klub.
Kështu është krijuar një situatë e pazakontë dhe problematike, pasi katalanasit i detyrohen atij më shumë se 30 milionë euro rroga të prapambetura që lojtari i ka shtyrë për të ndihmuar në mes të krizës financiare.
