TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Trajneri i Milanit, Stefano Pioli, ka komentuar humbjen 3-2 të skuadrës së tij ndaj Atalantës, duke pranuar se gabimet individuale të futbollistëve i kishin kushtuar shtrenjtë skuadrës së tij.
“Është gjithçka aty. Me barazinë numerike, dukej se inercia ishte më shumë në anën tonë. Duhet të jesh më i qartë edhe në zgjedhjet tona në mbrojtje dhe këto janë gabime që na kushtojnë shumë.
Kur pëson tre gola, do të thotë se ne nuk punuam mirë si ekip në fazën e mbrojtjes. Nuk ishim të shkathët në depërtimet. E rimorëm ndeshjen me intensitet dhe cilësi, duhej të siguronim një rezultat pozitiv dhe largohemi me një disfatë të rëndë.
Ka mungesa, por ne e luajtëm ndeshjen më mirë se kundërshtarët në pjesën e parë. Na rëndojnë disa naivitete, do të duhet të përmirësohemi në ndeshjet e ardhshme.
Nëse ndeshja do të kishte përfunduar 2-2, shumë gjëra do të ishin pozitive. Ne donim të siguronim vazhdimësi, ishim në lojë dhe fatkeqësisht kundërshtarët tanë brenda zonës ishin më të mirë se ne.
Zhiru dhe Joviç mund të luajnë së bashku, por më pas ne duhet të ndryshojmë mesfushën dhe anësorët. Kemi një ndeshje shumë të rëndësishme në Europë, duam të qëndrojmë atje dhe kemi vetëm një rezultat në dispozicion. Mendja te Liga e Kampionëve dhe më pas te kampionati me më shumë vëmendje.
Ne deshëm të siguronim një deri fitoresh, nëse nuk ia del, duhet të shohësh edhe pas krahëve. Le të mendojmë për të fituar shumë ndeshje, pastaj për klasifikimin.
Leao? Duhet të jetë mirë, ai do t’i bashkohet ekipit nesër. Ditët e ardhshme do të jenë të rëndësishme.
Vlerësimi i punës? Kështu është, unë jam trajner i Milanit, pritshmëritë janë të mëdha dhe rezultatet nuk korrespondojnë me to. Më duhet vetëm të mendoj për punën dhe përmirësimin e lojtarëve”, ishin fjalët e Piolit pas ndeshjes.
