TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Serxhio Konseisao ka pranuar se ka mbetur i zhgënjyer nga eliminimi i Milanit në Ligën e Kampioneve. Trajneri i kuqezinjve ka dalë para mediave në konferencë dhe ka theksuar se në këtë moment nuk duhej gjetur asnjë alibi, por ka provuar të justifikojë Teo Hernandezin për kartonin e kuq.
“Dështim? Është padyshim një dështim, ne donim të kalonim turin. Kjo ndeshje tregoi se ne jemi më të fortë se kundërshtarët tanë dhe se faktorët përcaktues ishin episodet, si në Zagreb: i kuq atje, i kuq sot. Mund të thuash se arbitri ishte shumë i ashpër, por ne duhej të ishim më të fortë mendërisht. Jam unë përgjegjësi, jo Teo. Më pas brenda dhomës së zhveshjes do të shohim. Teo i ka dhënë shumë Milanit, unë kam bërë shumë gabime në karrierën time. Ne jemi të zemëruar. Deri te kartoni i kuq i Teos, Fejenord nuk dinte si të arrinte te porta. Jemi të zhgënjyer dhe të zemëruar..
Himenez?”Ne kishim një lojtar më pak, eh… Pastaj duhej të menaxhonim Santin: ai kishte një problem në muskuj dhe ne duhet ta menaxhojmë situatën e tij. Unë vura Zhoao Feliks përpara, i cili ishte mirë, që të provonte të kundërsulmonte. Por gjithsesi, ne çdo rast ne ishim në kontroll.
Frikë nga tronditja? Kam ardhur një muaj e gjysmë më parë, por më krahasojnë me trajnerë që ishin këtu prej vitesh. Ne nuk kemi punuar me ekipin e parë, ne punojmë në numër të vogël me ata që bëjnë gjëra të ndryshme. Fituam të vetmin trofe që mund të fitonim, jemi në gjysmëfinale të Kupës së Italisë dhe në kampionat, që kur erdha unë, ne kemi bërë 14 pikë dhe Napoli ka bërë 15. Atmosfera këtu te Milani nuk është më e mira e mundshme dhe kartoni i kuq e tregon, duhet të punojmë mbi këtë. Më besoni, nuk është e lehtë, nuk është e lehtë.
Ne treguam përsëri sot se nuk mund të pësonim goditje në portë dhe të krijonim raste. Më pas ishte përjashtimi i Theos. Dhe kjo na lë shumë të zemëruar dhe të zhgënjyer. Ju e dini më mirë se unë se duhet të ndryshojmë atmosferën. Nuk po flas për tifozët. Për të ndryshuar atmosferën duhet të fitosh. Tani është ndeshja e radhës në Torino: të fitojmë këtë dhe pastaj për atë mbrapa. Dhe të mendojmë për Kupën e Italisë”, tha ndër të tjera Konseisao pas ndeshjes.
