TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Joachim Low, kampion bote me Gjermaninë në Brazil 2014, është pa skuadër që nga viti 2021, kur u largua nga kombëtarja e Gjermanisë. Së fundmi, emri i tij është përfolur si një kandidat i mundshëm për të marrë drejtimin e Bayern Munich. 64-vjeçari ka shprehur dëshirën e tij për t’u rikthyer në aksion pas më shumë se dy vitesh mungesë. Megjithatë, e ka bërë të qartë se oferta që kërkon ende nuk i ka mbërritur dhe në çdo rast nuk do ta lidhte me Bayernin, por me ndonjë kombëtare.
“Klubet nuk më motivojnë. Bayern ndoshta nuk është i interesuar për mua si trajner, as unë nuk do të isha i interesuar për Bayern. Kam qenë trajner i ekipit kombëtar këtu, në Gjermani, për një kohë të gjatë. Sigurisht, klubet janë një opsion shumë i mirë, por për mua nuk përbëjnë më motivim.
Një objektiv për mua është Botërori i radhës, që do të zhvillohet në Amerikë, Kanada dhe Meksikë. Kjo ide më duket emocionuese”, është shprehur ndër të tjera Low.
