TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Edhe pse me mungesa të shumta, Kosova arriti të triumfonte mbrëmjen e sotme ndaj Izraelit me rezultatin 1-0, falë golit të realizuar nga Milot Rashica. Pas këtij suksesi foli edhe trajneri i “Dardanëve” Primozh Gliha, i cili ka pranuar të gjitha kushtet para duelit, ai u shpreh se skuadra ka funksionuar dhe se këtë e dëshmojnë rastet e shumta të krijuara.
“Secila situatë në futboll është normale. Duhet të gjesh zgjidhje për të luajtur apo të qash. Unë nuk qaj asnjëherë. Sonte kishim shumë shanse, por fusha është kjo që është.
Kur krijon shumë shanse është dëshmi që skuadra ka funksionuar mirë. Unë besoj në lojtarët që i kam aktivizuar. Kanë pasur paraqitje të mira.
Kosova ka lojtarë për të ardhmen. Secila ndeshje është specifike. Kur Rashica e Muriqi luajnë së bashku jemi shumë të fortë. Shumë, shumë të fortë. Që kur kam ardhur këtu kemi pasur vetëm nëntë stërvitje dhe kemi luajtur katër ndeshje”, ka thënë Gliha.
