TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kosova ka fituar me shifrat 1-0 ndeshjen prapambetur ndaj Izraelit, e cila u shty në muajin e kaluar për shkak të situatës së luftës.
“Dardanëve” u duheshin medoemos tre pikët sot për të mbajtur gjallë shanset e pakta që kanë për kualifikimin e mëtejshëm. Por sidomos për të tentuar vendin e tretë në grup. Ndaj sot ata kanë bërë një ndeshje në sulm, duke krijuar raste të njëpasnjëshme, edhe pse terreni i rënduar në “Fadil Vokrri” e bënte të vështirë një gjë të tillë.
Ekipi kosovar dominoi ndeshjen në lojë dhe raste, por në fundi mjaftoi vetëm goli i Rashicës për të bërë diferencën dhe për të siguruar fitoren e dytë radhazi në kualifikuese, që e ngjit në kuotën e 10 pikëve në grupin e saj, vetëm 1 më pak se Izraeli i vendit të tretë.
KOSOVË-IZRAEL 1-0
41′ Rashica.
