TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ndërsa nuk është më një surprizë që Joshua Zirkze është një objektiv për sulmin bardhezi, duke qenë se Mois Ken dhe ndoshta edhe Arkadiuzh Milik do të largohen, për torinezët objektivi i parë për t’u arritur në radhët e Bolonjës është mbrojtës i qendrës, Rikardo Kalafiori.
Futbollisti i datëlindjes 2002 u ble verën e kaluar nga Bazeli, por teksa duket se Juvja e ka gjetur akordin me kuqeblutë, tani duhet gjetur ai me klubin zviceran, ku aktivizohet edhe Taulant Xhaka, pasi ata kanë ruajtur një përqindje të rishitjes dhe “Zonja e Vjetër” pret përgjigjen e tyre.
Nëse Bolonja pret 20 milionë, ndoshta kërkesa e Bazelit mund të jetë mes 4-5 milionë eurove për Rikardo Kalafiorin.
