TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Andreas Kristensen kishte sot një festë të dyfishtë në ndeshjen e Ligës së Kampioneve mes Barcelonës dhe PSG-së, duke arritur një rekord unik për skuadrën katalanase.
Futbollisti hyri në fushë si zëvendësues dhe pak sekonda më vonë, gjeti golin e fitores 3-2 për ekipin katalanas, duke bërë më të bukur ditën kur festonte ditëlindjen e tij. Mbrojtësi danez mbushi sot 28-vjeç dhe nuk kishte dhuratë më të bukur për të se sa kjo e golit vendimtar të shënuar.
Ai u bë në fakt futbollisti i parë në historinë e Barcelonës që shënonte në Ligën e Kampioneve në ditën e ditëlindjes së tij. Në këtë turne ka pasur vazhdimisht lojtarë që kanë shënuar në ditën e ditëlindjes për klubet e tyre, por për të gjetur një të tillë është shumë e vështirë kur bëhet fjalë për fazën me eliminim direkt.
Në fakt rezulton se kjo nuk ndodhte prej 24 vitesh, kur i fundit që kishte shënuar një të tillë ishte Sione Inzagi me fanellën e Lacios ndaj Valencias.
