TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Rafael Leao po bëhet gjithnjë e më shumë protagonist te Milani. Gjatë ndeshjes së fituar nga kuqezinjtë në Firence, me një gol dhe një asist, portugezi festoi ndeshjen e tij të 200-të me klubin e shtatë herë kampion të Europës. 54 gola dhe 48 asiste në të gjitha turnetë për bilancin e 24- vjeçarit që ka dhënë edhe një intervistë.
Ishte objektivi ynë për të fituar në Firence, edhe sepse nuk kishim fituar për një kohë të gjatë. Fiorentina luajti mirë, ka cilësi. Në pjesën e parë mund të kishim shënuar tre gola dhe të mbyllnim ndeshjen, më pas në pjesën e dytë u futëm me mendjen e duhur.
Zëvendësimi ishte i programuar, apo nuk jeni mirë vërtetë?
Kam pak dhimbje, por jam mirë. Gjatë ndeshjeve nuk mendoj për dhimbjet sepse duhet sakrifikuar për skuadrën. Më vjen mirë që dhashë ndihmesën time.
Mund të thuhet se ajo në Firence ishte një mbrëmje prej Leao?
Unë mundohem të bëj më të mirën, megjithatë duhet thënë duhet theksuar se e gjithë skuadra bëri një paraqitje të madhe. Bëmë dy gola dhe pësuam një që mund të shmangej, ndaj edhe vuajtëm pak në fund, por ishin tri pikë me peshë. Dua të përmend veçanërisht Çukvuezen, i cili bëri një ndeshje të madhe dhe jam i lumtur për të.
Sa i ndërgjegjshëm jeni tani për potencialin tuaj?
Nuk jam më një adoleshent. Jam burrë dhe duhet të marr përgjegjësi. Merita për ecurinë time i takon Milanin, i cili më ka ngritur në këtë nivel dhe tifozëve që më kanë mbështetur gjithmonë. Edhe skuadra ka meritën e saj. Në ndeshje si kjo japim gjithmonë më të mirën.
Keni pengje për një pjesë të parë të sezonit që mund të kishte shkuar më mirë?
Kemi folur për këtë me trajnerin javët e fundit, nuk ka rëndësi se si fillojmë, por si përfundohet. Duam ta mbyllim sezonin mirë, pa keqardhje. Në Firence fituam, jemi edhe në Ligën e Europës të cilën Milani nuk e ka fituar kurrë dhe duam ta fitojmë.
Mendoj se është ekipi, momenti kur skuadra është mirë ndihem më mirë. Sot më duhet të flas për Çukvuezen sepse ai bëri një lojë të shkëlqyer. Jam shumë i lumtur për të sepse ka pasur momente delikate. Jam shumë i lumtur për të.
Kam një kontratë me Milanin, por nuk e di të ardhmen. Unë jam këtu me zemrën time. Milani është shtëpia ime, e them gjithmonë.
Cila është ëndrra juaj për fundin e sezonit?
Të fitoj diçka të rëndësishme. Jemi në Ligën e Europës, është shumë e rëndësishme. Por të shtunën është Leçe, e cila është gjithashtu një rivale shumë e rëndësishëm sepse duhet të largohemi sa më shumë nga vendi i tretë
