TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
“Xhud Bellingam më kujton pak Zinedin Zidanin për shkak të cilësive të tij”. Është kjo ajo që mendon “Fenomeni” Ronaldo Nazario de Lima, i cili luajti 140 ndeshje përkrah legjendës franceze. Pasi një takimi bamirësie të zhvilluar në Angli, në zonën e “Essex”, organizuar nga ‘Paddy Power’, braziliani foli për britaniken “Daily Mail” për të trajtuar dy nga çështjet më aktuale që prekin skuadrën Realit: Xhud Bellingamin dhe yllin e tij të ardhshëm, Kilië Mbapenë.
Gjithsesi, në pritje të francezit ylli i skuadrës është anglezi i mbërritur verën e kaluar, i cili po mahnit nga dita në ditë: “Më pëlqen mënyra se si luan Bellingam. Më pëlqen ta shoh atë, por mbi të gjitha më pëlqen siguria e tij në lojë, duke shënuar gola pothuajse në çdo ndeshje. Gjithmonë shkon është i projektuar për të luajtur në sulm. Po shikoja disa ndeshje në ‘Bernabeu’ gjatë periudhës së fundit dhe e ndoqa me vëmendje Bellingamin. Thjesht u befasova shumë nga cilësitë e tij. Shpejtësia me të cilën ai vrapon drejt zonës, tregon sesa i uritur është ai për të shënuar ndeshje pas ndeshjeje”.
Ndërkohë, për sa i përket mbërritjes së mundshme të Mbapesë në Madrid, Ronaldo nënvizon: “Nuk e di se çfarë është e vërtetë dhe çfarë jo, por po flitet për situatën e tij te PSG-ja dhe mendoj se të gjithë e kuptojmë pak a shumë se cilat janë premisat… Për më tepër, duke parë edhe euforinë e tifozërisë madrilene, të gjithë duken të emocionuar për Mbapenë në Madrid, kështu që unë mendoj se diçka prapa kësaj mund të ketë. Personalisht mendoj se Mbape është një lojtar i jashtëzakonshëm. Ai do të jetë një nga më të mirët në qarkullim. Madje, unë jam gati të vë bast, se nëse transferohet te Reali i Madridit, Kilië do të fitojë shumë shpejt ‘Topin e Artë’. Në ‘Bernabeu’ do të gjejë një skuadër që do ta mbështesë dhe do ta bëjë një lojtar edhe më të mirë, ndonëse absolutisht nuk duhet hedhur poshtë ajo çfarë ai ka bërë te PSG-ja.
Çfarë do i mungonte tjetër Realit? Qershi mbi tortë do të ishte Erling Haland, kampioni tjetër i kohëve aktuale. Dhe fakti që Reali gjuan gjithmonë më të mirët në botë, ndonëse Erling po bën një punë të shkëlqyer te Mançester Siti, të ardhmes nuk i duhet kurrë. Pastaj, kush është ai që nuk do të donte të shihte në aksion trion Haland-Mbape-Bellingam, ndonëse për Ançelotin do të ishte një tjetër sfidë e vështirë për t’u kaluar”, përfundoi “Fenomeni”.
