TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Legjenda e NBA-së, LeBron James, ka dërguar një mesazh emocionues në drejtim të Jurgen Klopp, pas njoftimit të tij se do të largohet nga Liverpooli në fund të sezonit.
Me Klopp i cili befasisht lajmëroi për largimin e tij nga “Anfield” pas nëntë viteve në klub, pasi iu bashkua në vitin 2015, gjermani ka marrë një sërë mesazh në rrjetet sociale, duke përfshirë një prej legjendës amerikane të basketbollit, i cili njihet si tifoz i Liverpoolit, madje ka një përqindje të aksioneve.
“Faleminderit për gjithçka dhe më shumë. Ju ishit një menaxher i mirë dhe nuk do të harroheni dhe më e rëndësishmja, ju nuk do të ecni kurrë vetëm. Do t’iu mungosh “Të Kuqve”, ka shkruar James në platformën X (ish-Twitter).
THANK YOU FOR EVERYTHING AND MORE!! You are one helluva manager and you’ll never be forgotten and more importantly YOU’LL NEVER WALK ALONE!! The Reds will miss you!! ????????????????????????????????❤️https://t.co/owGsPKjxwu
— LeBron James (@KingJames) January 26, 2024
Gjermani largohet nga klubi si legjendë, pasi ka fituar gjashtë trofe nën drejtimin e Liverpoolit. Ai në mënyrë efektive e transformoi klubin anglez nga një klub i mesit të tabelës, në një që lufton për të gjitha trofetë.
Bordi drejtues i Liverpoolit tashmë ka nisur ‘gjahun’ për të gjetur zëvendësuesin ideal të Kloppit, teksa ky i fundit do përpiqet ta mbyllë aventurën e tij në Angli me trofe.
Liverpool do të luajë të dielën e 28 janarit ndaj Norwichit, në kuadër të rrethit të tretë të FA Cup.
Që prej momentit kur u njoftua largimi i tij, një numër i madh emrash ka qarkulluar në internet si kandidat potencial për zëvendësimin e gjermanit.
Sipas basteve favoriti kryesor mbetet Xavi Alonso, por përveç tij një tjetër emër që mund të konsiderohet seriozisht është edhe ai i Roberto De Zerbit, duke marrë parasysh përvojën e tij në Ligën Premier.
Ato i japin shumë pak shanse Pep Ljinders, asistentit aktual të Kloppit, ani pse tekniku gjerman e ka përzgjedhur atë si pasuesin e tij në stolin e “Të Kuqve”, duke shtuar se i ka të gjitha që i nevojiten për ta drejtuar klubin.
Ndryshe nga bastet, gjermani beson se është Ljinders personi që duhet ta pasojë atë. Klopp këtë e bëri të qartë sot në një konferencë për media.
