TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një gol i Zhorzhinjos i ka dhënë fitoren Çelsit në transfertën e "Goodison Park" ndaj Evertonit (0-1), në ndeshjen e parë të kampionatit.
Në minutën e 24-të, vendasit do tregoheshin mjaft të rrezikshëm me James Tarkowski, por portieri Mendy do shpëtonte skuadrën nga një gol i sigurtë.
Episodi më i rëndësishëm i takimit do vinte në shtesën e pjesës së parë. Abdoulaye Doucoure i Everton pengon një kundërshtar në zonë dhe për arbitrin Craig Pauson nuk ka dyshime, drejton gishtin nga pika e penalltisë.
Blutë e Londrës do t'i besonin si zakonisht Zhorzhinjo (45'+8). Italo-braziliani dërgon topin në njërin krah, ndërsa Pikford hidhet në krahun tjetër.
Pati minuta edhe për Armando Brojën. Sulmuesi shqiptar e nisi nga stoli sfidën, por u aktivizua në të 74-tën, kur mori vendin e Havertz.
Djemtë e Tuhelit patën rast ideal në fund me Sterling për golin e qetësisë, por një mbrojtës rival i gjendur aty largon topin në momentin e fundit.
Takim i radhës për Çelsin është në derbi ndaj Totenhemit, ndërsa Evertoni luan në Birmingham ndaj Aston Vilës.
