TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Arbër Hoxha u grumbullua për herë të parë nga Silvinjo për këto miqësore.
Anësori i sulmit që luan për Dinamon e Zagrebit, debutoi me Kombëtaren në pjesën e dytë kundër Kilit. Duke folur pas ndeshjes për mediat, Hoxha shprehet se ndoshta nuk e priste një debutim të tillë, por shpreson për një rezultat pozitiv me Suedinë.
Arbër, mezi e prisnit debutimin, por nuk ishte ndeshja e duhur…
Po, është e vërtetë. Nuk luajtëm ashtu siç duhet. Pësuar shumë gola, por kjo humbje do të na bëhet mësim për ndeshjet e ardhshme që do të luajmë. Për t’u koncentruar siç duhet dhe pse jo të fitojmë në miqësoren tjetër.
Në krahun e majtë ku ju luani konkurrenca është disi e fortë, si e shikoni?
Po, padyshim. Për mua është hera e parë këtu. Jam i lumtur që debutova me fanellën kuqezi, nuk jam i lumtur për rezultatin. Është një ndjenjë shumë e veçantë të përfaqësoj kombin shqiptar.
Çfarë duhet të ndryshojmë me Suedinë?
Të japim maksimumin, të japim gjithçka në fushë dhe të shpresojmë për një rezultat pozitiv./Panorama Sport
