TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një kërkim pilot ka sugjeruar se suplementi i njohur kreatinë, zakonisht i lidhur me sportin dhe rritjen e masës muskulore, mund të ketë përfitime edhe për njerëzit me sëmundjen e Alzheimerit.
Studimi, i botuar në Alzheimer’s & Dementia Translational Research & Clinical Interventions, testoi efektet e marrjes së 20 gramëve kreatinë monohidrat në ditë për tetë javë te pacientët me Alzheimer. Rezultatet treguan rritje të niveleve të kreatinës në tru me rreth 11% dhe përmirësime në testet e vëmendjes, kohës së reagimit dhe organizimit mendor.
“Ky është një hap i parë që tregon potencialin e kreatinës në trajtimin e simptomave të Alzheimerit, por kërkohen studime më të gjera dhe të kontrolluara,” tha bashkautori i studimit, dr. Matthew Taylor nga Universiteti i Kansasit.
Ekspertët paralajmërojnë se gjetjet nuk përbëjnë rekomandim për përdorim të përditshëm. Sipas tyre, nevojiten më shumë prova klinike përpara se kreatina të konsiderohet pjesë e trajtimit për këtë sëmundje neurodegjenerative.
Hipoteza kryesore lidhet me rolin e kreatinës në transportimin e energjisë brenda qelizave dhe në përmirësimin e funksionit mitokondrial, që te Alzheimeri pëson rënie të ndjeshme.
