TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Përgatitjet për pushime shpesh shoqërohen me stres dhe lodhje të madhe, duke i lënë shumë persona të pambrojtur ndaj sëmundjeve të zakonshme si ftohja, gripi apo lodhja fizike. Ekspertët shëndetësorë po paralajmërojnë se numri i rasteve me simptoma të tilla gjatë pushimeve po rritet, ndërsa shumë njerëz sëmuren vetëm pak ditë pasi janë shkëputur nga rutina e përditshme.
Një nga shpjegimet më të zakonshme është se ngarkesa e madhe para pushimeve – nga përmbyllja e punëve në zyrë te organizimi i detajeve të udhëtimit – dobëson sistemin imunitar, duke bërë trupin më të ndjeshëm ndaj infeksioneve.
Por si të shmangim sëmundjet që prishin pushimet? Ekspertja britanike, Dr. Jenna Macciochi, pedagoge në Universitetin e Sussex dhe autore e librit Immune to Age, sugjeron forcimin e organizmit me ndihmën e disa suplementeve kyçe përpara dhe gjatë pushimeve.
Vitaminat që ndihmojnë në mbrojtjen nga sëmundjet sipas Dr. Macciochi:
Vitamina D: Rekomandohet për të mbështetur sistemin imunitar dhe për të reduktuar ndjeshmërinë ndaj infeksioneve.
Magnezi: Ndihmon në qetësimin e sistemit nervor, përmirësimin e gjumit dhe menaxhimin e stresit.
Omega-3: Acide yndyrore të rëndësishme që ulin inflamacionin dhe përmirësojnë gjendjen emocionale.
Ajo këshillon gjithashtu që gjatë pushimeve të mbani me vete:
Vitaminë C dhe zink në formë tabletash që treten në gojë, të cilat mund të ndihmojnë në shkurtimin e kohëzgjatjes së sëmundjes nëse përdoren në shfaqjen e simptomave të para.
Ndërkohë, mjeku tjetër britanik, Dr. Oscar Luke, ka theksuar në një emision të BBC-së se vitamina D nuk është e dobishme vetëm për imunitetin, por sipas një studimi të fundit, mund të ndihmojë edhe në ngadalësimin e procesit të plakjes.
