TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ndërsa në verë flitet për nxirje dhe pushime, harrohet një rrezik i madh: melanoma – forma më agresive e kancerit të lëkurës. E shkaktuar kryesisht nga rrezatimi ultraviolet (UV), ajo mund të përhapet shpejt në organe jetike si mushkëritë, mëlçia apo truri, dhe shpesh kalon pa u vënë re.
Rrezikohen më shumë ata me lëkurë të çelët, shumë nishane apo histori familjare me melanomë. Djegiet nga dielli në fëmijëri janë veçanërisht të rrezikshme. Edhe përdorimi i solarëve është faktor i njohur rreziku dhe i ndaluar për të miturit në disa shtete.
Rregulli ABCDE ndihmon në identifikimin e nishaneve të dyshimta (Asimetri, Kufij, Ngjyrë, Diametër, Evoluim). Diagnoza e hershme mund të shpëtojë jetë, prandaj çdo ndryshim në lëkurë duhet kontrolluar pa vonesë, fillimisht edhe tek mjeku i familjes.
Melanoma nuk kursen askënd. Mbrojtja nga dielli, shmangia e ekspozimit të tepërt dhe vetëkontrollet e rregullta janë mburoja më e mirë.
