TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Organizatori i bandës që grabiti yllin miliarder të reality show-t Kim Kardashian, është shpallur fajtor nga një gjykatë në Paris.
Aomar Ait Kedach, i paaftë për të folur ose dëgjuar për shkak të sëmundjes, lexoi vendimin e kryetarit të trupit gjykues nga një ekran, pasi kishte ndjekur të gjithë gjyqin.
8 nga 10 të pandehurit në këtë çështje u shpallën fajtorë për krime të lidhura me grabitjen, ndërsa dy u liruan nga akuzat.
Persona të maskuar hynë me forcë në rezidencën e yllit të reality show-t amerikan dhe e mbajtën nën kërcënimin e armës në vitin 2016, duke i marrë bizhuteri me vlerë 10 milionë euro.
Tre pensionistë dhe një burrë rreth të 30-ave u akuzuan për hyrje të paligjshme në rezidencën luksoze në Paris, ku e lidhën Kardashian dhe e mbajtën peng nën kërcënimin e armës në dhomën e saj të gjumit në orët e para të 3 tetorit 2016.
Burrat e armatosur dhe të maskuar, të cilët ishin veshur me xhaketa policie, ikën me bizhuteri me vlerë deri në rreth 10 milionë euro.
Bizhuteritë, të cilat nuk u gjetën kurrë, përfshinin një unazë fejese me diamant 18.88 karatësh, të cilën Kardashian ia kishte dhënë bashkëshorti i saj i atëhershëm, reperi Kanye Ëest, e cila vlerësohet të ketë një vlerë prej 3 milionë paundësh.
Grabitësit mbërritën me biçikletë ose në këmbë në rezidencë dhe kërcënuan recepsionisten me armë përpara se të shkonin në dhomën e Kardashian, ku ajo po flinte. E lidhën dhe ia ngjitën gojën me shirit ngjitës, dhe e lanë në dyshemenë e banjës përpara se të iknin.
