TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një moment i tensionuar mes çiftit presidencial francez, Brigitte dhe Emanuel Macron, i kapur gjatë zbritjes nga avioni në Vietnam të hënën, u bë menjëherë viral në mediat ndërkombëtare.
Brigitte Macron i dha një “shpullë” Emanuel Macronit, ndërsa më pas refuzoi t’i jepte dorën, duke krijuar dyshime për një mosmarrëveshje mes tyre.
Megjithatë, imazhi i djeshëm duket se është zhdukur shpejt. Sapo avioni presidencial u ul sot në Indonezi, çifti u shfaq i buzëqeshur dhe duke zbritur shkallët së bashku, me Brigitte-n që mbante krahun e bashkëshortit të saj, duke treguar se marrëdhënia mes tyre është në rregull.
Brigitte Macron, 72 vjeçe, ishte e veshur me kostum krem dhe qëndronte pranë bashkëshortit të saj 47-vjeçar, ndërsa të dy zbritën nga aeroplani me buzëqeshje dhe të lidhur dorë për dore.
Kjo pamje vjen pas një nate të tensionuar gjatë nisjes nga Vietnam, ku çifti u përpoq të mohonte zërat dhe thashethemet që flisnin për grindje mes tyre, përfshirë edhe pretendimet se Brigitte i kishte thënë disa fjalë të ashpra Macronit.
Ky incident dhe rikthimi i tyre në atmosferë të qetë janë bërë temë diskutimesh të shumta në mediat ndërkombëtare dhe rrjetet sociale.
