TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shëndeti i Bruce Willis po përkeqësohet. Aktori në mars mbushi 70 vjeç dhe që nga viti 2022 jeton me një formë të avancuar të demencës frontotemporale. Sipas shumë mediave amerikane, kryesisht “Tribune”, ylli i Hollywood-it “nuk mund të flasë më, të lexojë dhe të ecë”. Megjithatë, familja nuk ka dhënë asnjë konfirmim, vetëm disa postime në rrjetet sociale ku nënkuptohet se ai nuk mund të flasë më.
Postimet në rrjetet sociale
Nuk ka konfirmime zyrtare për përkeqësim të mëtejshëm të gjendjes së Willis nga familja, edhe pse në javën e fundit janë publikuar dy postime në profilin zyrtar të aktorit në Instagram, ku shfaqet një foto me vajzën e tij e shoqëruar me frazën: “Nuk ka nevojë për fjalë, ajo ndjehet e sigurt dhe e dashur”. Dhe një tjetër me bashkëshorten Emma që e përkëdhel në fytyrë: “Dashuria nuk ka nevojë për fjalë. Ndonjëherë një prekje e thotë të gjithë”.
View this post on Instagram
Reagimi i familjes
Në prill 2025, familja e Willis informoi fansat për gjendjen e tij shëndetësore, duke theksuar se edhe pse “sëmundja po përparon”, gjendja e tij është e qëndrueshme. Familjarët nënvizuan mbështetjen e tyre të vazhdueshme për aktorin dhe forcën e familjes së tyre të bashkuar në këtë kapitull të vështirë.
Demenca frontotemporale
Demenca frontotemporale prek zonat e trurit që lidhen me sjelljen, personalitetin dhe gjuhën. Është e ndryshme nga Alzheimeri dhe shpesh prek njerëzit më të rinj. Rasti i Willis ka rritur ndërgjegjësimin për këtë gjendje të rrallë dhe të vështirë.
