TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ylli francez i kinematografisë, Gerard Depardieu u dënua sot me 18 muaj burg me kusht, pasi një gjykatë në Paris e shpalli fajtor për ngacmim seksual ndaj dy grave në sheshxhirim në vitin 2021.
Aktori, i cili i mohoi akuzat dhe nuk ishte i pranishëm kur u dha vendimi, do të shtohet në regjistrin francez të abuzuesve seksualë.
Vendimi nuk është përfundimtar. Avokati i Depardieu, Jeremie Assous, tha se do të paraqiste një apel kundër vendimit.
Dy gra akuzuan 76-vjeçarin për akte të turpshme dhe prekjen e tyre në mënyrë të papërshtatshme gjatë xhirimeve të filmit “Les Volets Verts” (Qepenat e Gjelbra) me regji të Jean Becker, në vitin 2021.
Paditëset janë një dekoruese dhe një asistente regjisore.
Gjatë seancave gjyqësore, aktori e portretizoi veten si viktimë të akuzave të rreme, megjithëse pranoi në gjykatë se kishte prekur njërën nga gratë nën shpinë, duke këmbëngulur se nuk kishte qëllim seksual.
