TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në verë, kur kërcimet në ujë bëhen pjesë e zakonshme e ditës, shumë njerëz e mbulojnë hundën me dorë para se të hidhen. Por a është kjo vërtet e nevojshme? Ekspertët shpjegojnë se gjatë kërcimit, ndryshimi i menjëhershëm i presionit ndikon veçanërisht tek sinuset dhe veshi i mesëm. Nëse presioni nuk barazohet siç duhet, mund të shkaktojë dhimbje, gjakderdhje apo dëmtime në daullen e veshit, një fenomen i njohur si barotrauma.
Shumë persona instinktivisht e zënë hundën dhe fryjnë lehtë për të barazuar presionin, duke ndihmuar hapjen e tubave të Eustakiut dhe shmangien e pasojave. Kjo është një teknikë që mësohet edhe në kurset bazë të zhytjes. Megjithatë, duhet kujdes: sipas Divers Alert Network (DAN), fryrja shumë e fortë ose për më gjatë se 5 sekonda mund të dëmtojë veshin e brendshëm. Përveç kësaj, mbulimi i hundës nuk aktivizon muskujt natyralë të barazimit siç ndodh me gëlltitjen, ndaj nuk është metoda më efektive për të gjithë.
Ekspertët këshillojnë që presioni të barazohet sa herë që ndjeni shqetësim, të shmanget zhytja nëse keni hundë të bllokuar apo infeksion të sinuseve, dhe nëse nuk barazoni dot presionin, mos e detyroni veten.
Pra, mbulimi i hundës nuk është i gabuar, por duhet bërë me kujdes dhe jo gjatë. Një teknikë e thjeshtë, nëse përdoret gabim, mund të kthehet në problem. Më mirë të dini si të kujdeseni që të shijoni ujin pa pasoja.
