TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti i Shteteve të Bashkuara të Amerikës, Donald Trump, ka përdorur një gjuhë fyese ndaj Princit të Kurorës së Arabisë Saudite, Mohammed bin Salman.
Në fjalimin e tij gjatë Future Investment Initiative, Trump deklaroi se Princi Saudit duhet të kishte një qëndrim më të përulur ndaj SHBA-ve.
“Ai nuk e priste se do t’i duhej të më puthte pr*panicën, nuk e kishte imagjinuar fare”, tha mes të tjerash Trump, deklaratë e cila më pas bëri xhiron e rrjetit.
Këto komente të Trump erdhën për të përshkruar atë që ai e cilëson si një ndryshim të qasjes së Arabisë Saudite ndaj Washingtonit.
Presidenti Trump shtoi më tej se Princi i Kurorës “duhet të sillet mirë me të”, duke theksuar atë që e konsideronte një ndikim më të fortë amerikan.
“Ai (Mohammed bin Salman) mendonte se do të isha thjesht një tjetër President amerikan i dështuar dhe se vendi do shkonte drejt rënies. Por tani duhet të sillet mirë me mua! I thoni se bën mirë të sillet mirë me mua! Ai duhet ta bëjë!”, vijoi më tej Trump.
Kujtojmë se vetëm disa ditë më parë Trump e kishte përshkruar Mohammed bin Salman si një “luftarak” në koordinim me Shtetet e Bashkuara, veçanërisht në kontekstin e tensioneve me Iranin. Duke folur për gazetarët, ai tha: “Ai është një luftarak. Ai lufton me ne!”.
Kujtojmë se gjatë kohëve të fundit, Presidenti Trump po përzien kritikat për liderët me komplimentet, duke theksuar se SHBA-të prisnin më shumë ndihmë nga aleatët e NATO-s në konfliktin në Iran.
⚡️⭕️ Trump talking about Saudi Crown Prince Mohammed Bin Salman:
— Middle East Observer (@ME_Observer_) March 28, 2026
He didn’t think he would be kissing my ass, he really didn’t…and now he has to be nice to me….he better be nice to me, he’s gotta be.. pic.twitter.com/uKx33oATek
