TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Stuhia ‘Nils’ i ka marrë jetën një personi të dytë në Francë dhe një gruaje në Spanjë, ndërsa fenomeni i motit “jashtëzakonisht i rëndë” përfshiu Francën jugperëndimore dhe Katalonjën me erëra të forta, duke shkaktuar dëme të konsiderueshme, ndërsa tani vazhdon kursin e saj drejt Evropës Lindore.
Një burrë që ishte “mbi një shkallë në kopshtin e tij” u vra në Tarn-et-Garonne, në Francën jugperëndimore, njoftoi këtë mëngjes zëdhënësi i qeverisë franceze Mont Brejon në rrjetin TF1.
Dje, një shofer kamioni u vra nga një degë që ra gjatë stuhisë. Në Spanjë, një grua vdiq pasi çatia e një depoje industriale u shemb në Barcelonë, në pjesën verilindore të vendit, njoftuan sot autoritetet rajonale.
Autoritetet katalanase thanë se 46-vjeçarja ndërroi jetë nga plagët e saj pasi u dërgua në spital në gjendje kritike. Erërat që shoqëruan stuhinë ‘Nils’, me shpejtësi mbi 100 kilometra në orë, goditën Katalonjën dje, duke shkulur pemë, duke dëmtuar ndërtesa dhe duke ndërprerë trafikun ajror.
???? Storm Nils Strikes
Feb 12–13: Powerful storm hit southern France & northern Spain
-High winds & heavy rain, uprooted trees, flooded roads
-Thousands without power, flights & trains disrupted
-3 dead, emergency crews responding across affected areas#StormNils #France #Spain pic.twitter.com/s1kvcLdU8v— GlobeUpdate (@Globupdate) February 13, 2026
Gjashtë persona janë ende të shtruar në spital në Katalonjë, katër prej tyre në gjendje të rëndë, pas motit të ri të keq, sipas autoriteteve, të cilat i kërkuan popullsisë të qëndronte vigjilente. Javën e kaluar, kalimi i stuhive Leonardo dhe më pas Marta shkaktoi përmbytje të konsiderueshme dhe evakuimin e mijëra njerëzve nga shtëpitë e tyre në Andaluzi, në Spanjën jugore.
Vendi tani po përballet me stuhinë Oriana, e cila pritet të sjellë erëra të forta, shira të rrëmbyeshëm, borë në disa zona dhe det të trazuar në bregdet. Spanja, si dhe Portugalia, e cila u godit gjithashtu nga stuhia, janë ndër vendet evropiane më të ekspozuara ndaj ndryshimeve klimatike, duke u përballur me valë të nxehti gjithnjë e më të gjata dhe episode më të shpeshta dhe intensive të reshjeve të rrëmbyeshme.
Në Francë, stuhia la gjithashtu pesë persona të plagosur rëndë dhe 21 të tjerë të plagosur lehtë, tha një burim qeveritar. Ekipet e shpëtimit gjithashtu u detyruan të ofronin ndihmë në 4,500 raste.
Rreth 450,000 familje në vend ishin ende pa energji elektrike këtë mëngjes, sipas operatorit francez të rrjetit elektrik Enedis, pasi stuhia përfshiu Francën jugperëndimore, e cila u godit gjithashtu nga përmbytje të mëdha.
