TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ambasada amerikane në Irak është sulmuar në orët e para të mëngjesit të sotëm me dronë dhe raketa.
Fillimisht sistemi i mbrojtjes ajrore kapi një raketë të nisur me objektiv ambasadën, por një sulm i dytë arriti të godiste shënjestrën.
Burime irakiane të sigurisë i thanë agjencisë së lajmeve Reuters se të paktën pesë dronë, disa prej të cilëve goditën ambasadën amerikane në Zonën e Gjelbër të fortifikuar rëndë të Bagdadit, u përdorën në sulm.
Ata gjithashtu e përshkruan atë si sulmin më intensiv ndaj ambasadës amerikane që nga fillimi i luftës së re në Lindjen e Mesme .
Shpërthime u dëgjuan herët të martën gjithashtu në Dubai, Emiratet e Bashkuara Arabe, dhe Doha, kryeqytetin e Katarit.
Ministria e Mbrojtjes së Emirateve të Bashkuara Arabe tha se një raketë ishte kapur.
Në Dubai, shpërthimi u pasua nga një njoftim i dërguar në telefonat celularë të banorëve për të kërkuar strehim menjëherë për shkak të një kërcënimi nga raketat.
Ministria e Jashtme e Katarit tha se një zjarr shpërtheu në një zonë industriale për shkak të mbeturinave që binin pasi raketa u kapur, duke shtuar se nuk ishin raportuar të lënduar, sipas Reuters.
WATCH: Explosion as US Embassy in Baghdad, Iraq hit by drone https://t.co/yXSevv5ell pic.twitter.com/Ixb8tEeDfM
— Rapid Report (@RapidReport2025) March 17, 2026
