TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
4,9 milionë fëmijë nën 5 vjeç kanë humbur jetën në të gjithë botën përgjatë vitit 2022. Ky është niveli më i ulët historik i shënuar ndër vite. Sipas raporti të publikuar nga Grupi Ndër-agjencior i Kombeve të Bashkuara, vdekshmëria e fëmijëve nën 5 vjeç ka rënë me 51% që nga viti 2000. UNCIEF ka nxjerr në pah se gjatë një viti 1 në 58 të poraslindur kanë ndërruar jetë, ndërsa ky raport shkon 1 në 27 për fëmijët deri në 5 vjeç.
Por ekspertët kanë vënë në dukje se këto jetë të humbura janë 18% për shkak të lindjeve të parakohshme, 14% nga pneumonia, 12 % nga traumat gjatë lindjes dhe asfiksia, 9% nga diarre dhe shumë shkaqe të tjera të parandalueshme. Ndërkohë që shifrat globale po shënojnë rënie, ekspertët paralajmërojnë se ekzistojnë gjithashtu kërcënime thelbësore dhe pabarazi që rrezikojnë mbijetesën e fëmijëve në shumë pjesë të botës. Këto kërcënime përfshijnë rritjen e pabarazisë dhe paqëndrueshmërisë ekonomike, konfliktet e reja dhe të zgjatura, ndryshimet klimatike dhe pasojat e COVID-19.
Fëmijët e lindur në familjet më të varfra kanë dy herë më shumë gjasa të vdesin para moshës 5 vjeçare në krahasim me familjet më të pasura, ndërsa fëmijët që jetojnë në mjedise të prekura nga konflikti kanë pothuajse tre herë më shumë gjasa të vdesin para ditëlindjes së tyre të pestë sesa fëmijët në vende të tjera.
