TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti i SHBA-së, Donald Trump, ka komentuar zhvillimet e fundit lidhur me Iranin, pas vendimit të Teheranit për të tërhequr qëndrimin e tij mbi hapjen e Ngushticës së Hormuzit.
Ai theksoi se bisedimet mes dy palëve po zhvillohen në një drejtim pozitiv.
Trump u shfaq i qetë sa i përket situatës, duke deklaruar se “bisedimet po ecin shumë mirë, gjërat po shkojnë shumë mirë”, teksa komentoi qëndrimin e palës iraniane.
Ai shtoi se Irani “u përpoq të luajë lojëra, siç ka bërë prej 47 vitesh”, duke lënë të kuptohet se këto veprime janë pjesë e një strategjie të vazhdueshme në marrëdhëniet me Shtetet e Bashkuara.
Presidenti amerikan përsëriti gjithashtu pretendimet se SHBA-të kanë dobësuar ndjeshëm kapacitetet ushtarake të Iranit, përfshirë marinën, aviacionin dhe drejtimin e vendit.
“Donin të mbyllnin sërish Ngushticën, siç kanë bërë prej vitesh, por nuk mund të na shantazhojnë,” u shpreh ai.
Ndërkohë, Trump paralajmëroi zhvillime të afërta, duke thënë:
“Deri në fund të ditës do të kemi disa informacione. Jemi në komunikim me ta dhe ata mbajnë një qëndrim të ashpër.”
